काठमाडौं । साताको पहिलो दिन सेयर बजारका लगानीकर्ता निकै उत्साहित भएका छन् । लगानीकर्ता उत्सहित बन्दा बजारले नयाँ रेकर्ड बनाएको छ । यसअघिको ३०२५ बिन्दुको अंकको रेकर्डलाई तोडेर नयाँ रेकर्डमा बजार प्रवेश गरेको छ ।
कारोबारको सुरु देखि नै बढ्ने क्रममा रहेको बजारले अन्तिम समयसम्म पनि त्यही क्रमलाई नै कायम राख्यो । फलस्वरुप बजार ५४.३१ अंकले बढेर ३०५८.६३ बिन्दुमा रोकिएको छ । २२३ कम्पनीको ४ करोड ४१ लाख १४ हजार ७६० कित्ता सेयर १४ अर्ब ३० करोड २३ लाख ६५ हजार १४८ रुपैयाँको सेयर किनबेच भएको छ । कारोबारमा अधिकांश समूहको उपसूचकमा सुधार देखिएको छ।
यो दिनको कारोबारमा बैंकिङ समूहमा लगानकिर्ताको ध्यान जाँदा र बैंकिङ समूहले भरथेग गर्दा बजारले नयाँ गति लिएको छ । बैंकिङ समूहको उपसूचक ७२.१४, विकास बैंक १३, हाइड्रो ७१.६, वित्त २४.८६, निर्जीबन बीमा ४८.४२, उत्पादन तथा प्रशोधन ७१.८६, माइक्रोफाइनान्स ८६.२३ र जीवन बीमा समूहको उपसूचकमा ३०.८६ अंकको बढोत्तरी देखिएको छ ।
वि.सं.२०७८ साउन १० आइतवार १५:०५ मा प्रकाशित