काठमाडौं । केन्द्रीय अनुसन्धान ब्यूरो(सीआईबी)ले बैंकिङ्ग कसूर मुद्दामा फरार महिलालाई पक्राउ गरेको छ ।
चेक बाउन्स मुद्दामा तनहुँ जिल्लाको ब्याँस नगरपालिका–९ की ४५ वर्षीय शोभा गुरुङलाई कुपण्डोल ललितपुरबाट सीआईबीले सोमबार पक्राउ गरेको हो ।
गुरुङलाई पक्राउ गरि जिल्ला अदालत ललितपुरमा पेश गरिएको सीआईबीले जनाएको छ । गुरुङले आफ्नो खातामा पर्याप्त मौज्दात रकम नभएको जानी जानी झुक्यानमा पारी चेक काटी थिएको प्रहरीले जनाएको छ ।
गुरुङलाई उच्च अदालत पाटनले २०७७ चैत ३० गते बैंकिङ कसूरजन्य अपराध गरेको ठहर गरेको थियो । गुरुङलाई बैंकिङ कसूर तथा सजाय ऐन २०६४ बमोजिम १३ लाख ७० हजार रुपैयाँ जरिवाना र १४ दिन कैद सजाय हुने प्रहरीले जनाएको छ ।
वि.सं.२०७८ साउन ११ सोमवार १७:११ मा प्रकाशित