काठमाडौं । नेपालमा पछिल्लो २४ घण्टाको अवधिमा थप ३ हजार ४२१ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १२ हजार २४० पीसीआर परीक्षण गर्दा २ हजार ३९१ र ५ हजार ३२ जनाको एन्टीजेन्ट परीक्षण गर्दा १ हजार ३० जनामा कोरोना संक्रमण पुष्टि भएको हो ।
मन्त्रालयका अनुसार सोमबार १ हजार ६८६ जना कोरोना संक्रमणमुक्त भएका छन् भने थप २५ जनाको मृत्यु भएको छ ।नेपालमा हालसम्म कोरोना संक्रमित हुनेको कुल संख्या ६ लाख ८२ हजार ९४७ पुगेको छ ।
यी मध्ये २७ हजार ९०८ जना सक्रिय संक्रमित रहेका छन् । हालसम्म कोरोना संक्रमणमुक्त हुनेको संख्या ६ लाख ४५ हजार ३०१ रहेकोे छ । कोरोनाका कारण नेपाल मृत्यु हुनेको संख्या ९ हजार ७३८ पुगेको छ ।
वि.सं.२०७८ साउन ११ सोमवार १७:२४ मा प्रकाशित