काठमाडौं । नेपाल उद्योग वाणिज्य महासंघका बरिष्ठ उपाध्यक्ष चन्द्रप्रसाद ढकालसहित चार उद्योगी घरनामा संयुक्त लगानीमा काग उद्योग स्थापना हुने भएको छ ।
महोत्तरीको गौशालानगरपालिका–१ रामनगरमा एक अर्ब ५० करोडको लागतमा नयाँ कागज उद्योग स्थापना हुने भएको हो ।
उक्त उद्योगमा आइएमई समूहका अध्यक्ष तथा उद्यमी चन्द्रप्रसाद ढकाल, जनकपुरधामको सर्राफ समूह, उद्योगपति सुनिल गोपाल श्रेष्ठ र होमनाथ ज्ञवाली लगायतको लगानी रहने छ ।
आइएमई समूहद्वारा प्रवद्र्धित उद्योगको आफ्नै ११ बिघा जमिनमा निर्माण हुने भवनमा कारखाना सञ्चालन हुने बताइएको छ । उद्योगलाई आवश्यकपर्ने सबै उपकरण र यन्त्र जडानको काम एक वर्षभित्र सम्पन्न गरेर उत्पादनको काम सुरु गरिभएको हो ।
उद्योग सञ्चालनमा आएपछि दैनिक ७५ टन कागज उत्पादन गर्ने क्षमता रहनेछ । उद्योग सञ्चालनमा आए लगत्तै कम्तीमा एक सय जनाले तत्काल रोजगार पाउने छन् ।
उक्त उद्योग स्थापनाका लागि बरिष्ठ उपाध्यक्ष ढकालसहितका उद्योगपतिल संयुक्तरुपमा नेपाल पल्स ऐण्ड पेपर इण्डष्ट्रिज प्रालिको शिलान्यास गर्नु भएको हो ।
उक्त समारोहमा उद्यमी ढकालले एक वर्षमा कारखाना भवन निर्माण भएसँगै उत्पादन थालिने बताउनुभयो । नेपालमा कागज उत्पादनको क्षेत्रमा काम गरिरहेका वरिष्ठ र अनुभवी व्यवसायीहरूको संलग्नतामा सञ्चालन हुने कारखानाबाट नेपालमा हुने कागजको आयातलाई प्रतिस्थापन गरिने बताउनुभयो ।
नेपालमा ‘फिनिक्स प्रडक्ट’ नै दिने यस्तो खालको उद्योग पहिलो पटक स्थापना हुन लागेको छ । यसबाट नेपालमा अहिलेसम्म हुने गरेको कागजको आयातलाई प्रतिस्थापन हुने अपेक्षा गरिएको छ ।
आफ्नो ठाउँमा नयाँउद्योग स्थापना हुन लागेकामा रामनगरबासी उत्साहित देखिएका छन् । रामनगरमा यस अघिदेखि नै एभरेष्ट सुगर ऐण्ड केमिकल इण्ड्रष्ट्रिज सञ्चालनमा छ ।
वि.सं.२०७८ साउन ११ सोमवार १७:५९ मा प्रकाशित