काठमाडौं । मंगलबार सुनको मूल्यमा गिरावट आएको छ । आज छापावाला सुनको मूल्य तोलामा ३ सय रुपैयाँले घटेको हो ।
अघिल्लो दिन ९२ हजार १ सय रुपैयाँमा कारोबार भएको सुनको मूल्य आज घटेर ९१ हजार ८ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार आज तेजावी सुनको मूल्य ९१ हाजर ३ सय रुपैयाँ निर्धारण भएको छ । अघिल्लो कारोबार दिन भने ९१ हजार ६ सय रुपैयाँमा खरिदबिक्री भएको थियो ।
यस्तै, साताको तेस्रो कारोबार दिन पनि चाँदीको मूल्य भने स्थिर रहेको छ । अघिल्लो कारोबार दिन प्रतितोला १ हजार २७० रुपैयाँमा खरिदबिक्री भएको चाँदी आज पनि सोही मूल्य कायम भएको महासंघले जनाएको छ ।
चाँदीको भाउ आईतबारदेखि नै स्थिर रहेको छ ।
वि.सं.२०७८ साउन १२ मंगलवार १०:४५ मा प्रकाशित
