काठमाडौं । पाँचखाल नगरपालिका र नेपाल इन्फ्रास्ट्रक्चर बैंकबीच समझदारी भएको छ । पाँचखाल नगरपालिकामा सुविधा सम्पन्न सहरी पूर्वाधार विकास निर्माणका लागि उक्त समझदारी भएको हो ।
नगरपालिकाकाको सामाजिक आवश्यकताहरू पूरा गर्न, भौतिक पूर्वाधारको निर्माण तथा संचालनबाट नगरबासीहरुको लागि दैनिक जनजीवनमा सहजीकरण गर्न नगरपालिकाको रणनीतिक कार्य योजना अन्तर्गत समझदारी भएको बताइएको छ ।
नगरपालिकामा सुविधा सम्पन्न शहरी पूर्वाधार विकास निर्माण परियोजना निर्माण गर्न आवश्यक हुने प्राविधिक र आर्थिक सम्भाव्यता अध्यन, वित्तीय विश्लेषण, विस्तृत परियोजना प्रतिवेदन, परियोजनाको बजारीकरण, परामर्शदाता तथा विकासकर्ता छनौटका लागि आवश्यक सहयोग, लगानीको संरचना तय गर्ने कार्यान्वयन सम्बन्धि कार्य अगाडी बढाउनसमझदारी पत्रमा हस्ताक्षर भएको छ ।
पाँचखाल नगरपालिका नगर प्रमुख महेश खरेल र नेपाल इन्फ्रास्ट्रक्चर बैंकका प्रमुख कार्यकारी अधिकृत रामकृष्ण खतिवडाले उक्त समझदारी पत्रमा हस्ताक्षर गर्नुभयो ।
मुलुकको आर्थिक समृद्धिका लागि पूर्वधार परियोजनाहरुलाई आवश्यक सहयोग पुर्याउने उद्देश्य लिई, सार्वजनिक नीजि साझेदारीको अवधारणामा स्थापित नेपाल इन्फ्रास्ट्रक्चर बैंकले पाँचखाल नगरपालिका सँग समझदारीपत्रमा हस्ताक्षर गरे सँगै आगामि दिनमा मुलुकका अन्य प्रदेश एवं स्थानीय सरकारहरु/निकायहरुसँग समेत यसैगरी सहकार्य गर्दै अघि बढ्ने लक्ष्य लिएको छ ।
वि.सं.२०७८ साउन १२ मंगलवार ११:३९ मा प्रकाशित
