काठमाडौं । अख्तियार दुरुपयोग अनुसन्धान आयोगले पुष्पलाल (मध्यपहाडी) राजमार्ग योजनामा भ्रष्टाचार गर्ने तत्कालिन आयोजना प्रमुखसहित ५ जना विरुद्ध मुद्दा दर्ता गरेको छ ।
आयोगले पुष्पलाल (मध्यपहाडी) राजमार्ग योजना धुलिखेलका तत्कालिन योजना प्रमुख विजय चापागाईसहित तत्कालीन इन्जिनियर दिपक कुमार खड्का, तत्कालीन सव–इन्जिनियर गजेन्द्र प्रसाद राउत, तत्कालीन लेखा अधिकृत दुर्ण प्रसाद फुयाल र प्रबन्ध निर्देशक रवि सिंहले भ्रष्टाचार गरेको भन्दै आयागले विशेष अदालत काठमाडौंमा मुद्दा दर्ता गरेको हो ।
अख्तियारका अनुसार ठेक्कामा निर्माणस्थलमा भएको कामको वास्तविक अवस्था उल्लेख नगरी भेरिएशन हुनपर्ने भन्दा फरक व्यहोराको भेरिएशन पेश गरिएको तथा सार्वजनिक खरिद नियमावली अनुसार भेरिएसन नगराई, इष्टिमेट विपरीत काम गरेको पाइएको छ ।
आयोगले अनिमियता गर्ने ५ जनालाई प्रति व्यक्ति ६८ लाख ९३ हजार ७७८ रुपैयाँ दरले २ करोड ९७ लाख २४ हजार ९३२ रुपैयाँ मागदाबी सहित मुद्दा दर्ता गरेको हो ।
वि.सं.२०७८ साउन १२ मंगलवार १८:३९ मा प्रकाशित