काठमाडौं । सबैको लघुवित्त वित्तीय संस्थाले गत आर्थिक वर्षको चौथो त्रैमासिक वित्तीय विवरण सार्वजनिक गरेको छ ।कम्पनीले सार्वजनिक गरेको विवरण अनुसार चौंथो त्रैमाससम्म ११ करोड ४३ लाख १६ हजार रुपैयाँ नाफा आर्जन गरेको छ ।
जुन गत वर्षको नाफाभन्दा २३१.६७ प्रतिशतले बढी हो । कम्पनीले अघिल्लो वर्षको सोही अवधिमा ३ करोड ४४ लाख ६६ हजार रुपैयाँ नाफा कमाएको थियो ।
कम्पनीको चुक्तापुँजी २० करोड ६० लाख २७ हजार रुपैयाँ पुगेको छ । कम्पनीको जगेडा कोषमा १२ करोड ८० लाख ४ हजार रुपैयाँ रहेको छ । अघिल्लो वर्षको सोही अवधिमा भने ४ करोड ३२ लाख ५० हजार रुपैयाँ रहेको थियो ।
कम्पनीले विभिन्न बैंक तथा वित्तीय संस्थासंग २ अर्ब ४० करोड ७५ लाख ९९ हजार रुपैयाँ कर्जा सापटी लिएको छ । उक्त अवधिमा ९० करोड २८ लाख ७२ हजार रुपैयाँ निक्षेप संकलन गरेको छ ।
उक्त अवधिमा ३ अर्ब ४३ करोड ७४ लाख ८७ हजार रुपैयाँ कर्जा प्रवाह गरेको छ । निष्क्रिय कर्जा १ दशमलव ६१ प्रतिशतदेखि बढेर २ दशमलव २५ प्रतिशत पुगेको छ ।
कम्पनीको प्रतिसेयर आम्दानी ५५ रुपैयाँ ४९ पैसा, प्रतिसेयर नेटवर्थ १६२ रुपैयाँ १३ पैसा, प्रतिसेयर कुल सम्पत्तिको मूल्य १ हजार ८२१ रुपैयाँ २२ पैसा र तरलता अनुपात २०.३१ प्रतिशत रहेको छ ।
वि.सं.२०७८ साउन १३ बुधवार १२:२० मा प्रकाशित