काठमाडौं । सेयर बजारले लगातार आफ्नो नयाँ नयाँ रेकर्ड बनाउने क्रम जारी राखेको छ ।
बजारले आफ्नो रेकर्ड ब्रेक गरेर नयाँ रेकर्ड बनाउने क्रममा अहिलेसम्मकै उच्च ३०९४.९५ बिन्दुमा पुगेको छ । बुधबारको कारोबारमा बजार मापन गर्ने नेप्से सूचक १५.३० अंकले बढेको छ ।
२१९ कम्पनीको २ करोड ८१ लाख ७० हजार १७२ कित्ता सेयर १३ अर्ब २९ करोड १९ लाख ५४ हजार ५३५ रुपैयाँको सेयर किनबेच भएको छ ।
बुधबारको कारोबारमा निकै उतार चढावकाबीच बजारले नयाँ गति लिएको छ । यो दिन अधिकांश समूहको उपसूचकमा सुधार देखिएको छ ।
बैंकिङ समूहको १८.४५, जलविद्युत ४८.२७, उत्पादन तथा प्रशोधन समूहको उपसूचक ३७.३ अंकले घट्दा विकास बैंक ४८.३६, होटल तथा टुरिजम २५७.७१, वित्त कम्पनीको ७०.१६, निर्जीबन बीमा ४४९.५६, जीवन बीमा ४३१.३८, माइक्रोफाइनान्स समूहको उपसूचकमा ३७.२४ अंकको बढोत्तरी देखिएको छ ।
यो दिन बीमा समूहको उपसूचकमा सुधार देखिँदा बजारको बढोत्तरीमा साथ पुगेको छ । बुधबार यूनाइटेड मोदी हाईड्रोपावरको ३८ करोड ६१ लाख ४७ हजार ८१८ रुपैयाँको सेयर किनबेच भएको छ । दोस्रो र तेस्रो स्थानमा नेशलन हाईड्रोपावर र अरुण भ्याली हाईड्रोपावर डेभलपमेन्ट कम्पनी रहेका छन् ।
वि.सं.२०७८ साउन १३ बुधवार १५:०७ मा प्रकाशित