काठमाडौं । प्रिमियर इन्स्योरेन्स कम्पनीले संस्थापक सेयर आजदेखि लिलामीमा बिक्री खुला गरेको छ । कम्पनीले ५ लाख ४२ हजार ९६५ कित्ता संस्थापक सेयर लिलामीमा ल्याएको हो ।
उक्त सेयर खरिद गर्न योग्य इच्छुक विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् ।
उक्त सेयरको न्युनतम मूल्य ५ सय रुपैयाँ तोकिएको छ । सेयर खरिद गर्न तोकिएको मूल्य भन्दा बढी अंकित गरि आवेदन दिनुपर्ने कम्पनीले जनाएको छ ।
सेयर खरिदका लागि बोलकबोल गर्दा न्युनतम ५ सय कित्ता र अधिकतम सम्पूर्ण कित्ताका लागि आवेदन दिन सकिने छ ।उक्त सेयरमा साउन २२ गतेसम्म आवेदन दिन सकिने कम्पनीले जनाएको छ ।
बिक्री प्रबन्धकमा एनआईसी एशिया क्यापिटल लिमिटेड रहेको छ ।
वि.सं.२०७८ साउन १४ बिहीवार १४:०० मा प्रकाशित