काठमाडौं । नेपालमा कोरोना संक्रमितको संख्या फेरि बढ्न थालेको छ । सर्वसाधारणको लापार्वाहीका कारण कोरोना संक्रमण बढ्न थालेको हो ।
बिहीबार देशभर थप ३ हजार ३६५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ९ हजार ५५५ पीसीआर परीक्षण गरिएकोमा २ हजार ३३५ जना र ४ हजार ६८७ एन्टिजेन परीक्षणमा १ हजार ३० जनामा संक्रमण पुष्टि भएको हो ।
योसंगै नेपाल हालसम्म कोरोना संक्रमितको संख्या ६ लाख ९० हजार ६४२ पुगेको छ । यीमध्ये ३० हजार ३९० संक्रिय संक्रमित छन् ।
मन्त्रालयका अनुसार पछिल्लो २४ घण्टाको अवधिमा १ हजार ३७३ जना कोरोना संक्रमणमुक्त भएका छन् । योसंगै नेपाल कोरोना जित्नेको संख्या ६ लाख ५० हजार ४४५ पुगेको छ ।
विगत २४ घण्टामा थप १६ जनाको कोरोनाबाट मृत्यु भएको छ । हालसम्म कोरोना संक्रमणबाट ९ हजार ८०७ जनाको ज्यान गएको छ ।
वि.सं.२०७८ साउन १४ बिहीवार १६:५१ मा प्रकाशित