काठमाडौं । डिप्रोक्स लघुवित्त वित्तीय संस्थाले गत आर्थिक वर्षको चौथो त्रैमासको वित्तीय अवस्था सार्वजनिक गरेको छ ।
संस्थाले गत आवको सोही अवधिमा नाफा १५९.५४ प्रतिशतले बढेर ७१ करोड ३७ लाख २९ हजार रुपैयाँ रहेको छ । संस्थाले गत आवको सोही अवधिमा २७ करोड ४९ लाख ९१ हजार रुपैयाँ खुद नाफा आर्जन गरेको छ ।
गत आवको असार मसान्तसम्ममा संस्थाको खुद ब्याज आम्दानी र सञ्चालन मुनाफामा आएको सुधारले नाफा बढाउन निकै सहयोग गरेको छ । अघिल्लो आवको चौथो त्रैमसमा ९५ करोड ९७ लाख १ हजार रुपैयाँ खुद ब्याज आम्दानी गरेकोमा गत आवको सोही अवधिमा ४२.७८ प्रतिशतले बढेर १ अर्ब ३७ करोड ३ लाख १६ हजार रुपैयाँ पुगेको छ । यस्तै सञ्चालन मुनाफा पनि ६६.३१ प्रतिशतले बढेर ७६ करोड ८१ लाख ९१ हजार रुपैयाँ पुगेको छ ।
१ अर्ब १५ करोड ६२ लाख ४८ हजार रुपैयाँ चुक्ता पुँजी रहेको संस्थाको जगेडा कोषमा १ अर्ब २९ करोड ४५ लाख ७८ हजार रुपैयाँ रहेको छ ।
६ अर्ब निक्षेप ५४ करोड १७ लाख ६७ हजार रुपैयाँ संकलन गरेको संस्थाले १५ अर्ब २३ लाख ३८ हजार ४१ हजार रुपैयाँ कर्जा लगानी गरेको छ ।
यो अवधिमा संस्थाको खराब कर्जा २.४७ प्रतिशतबाट घटेर ०.९२ प्रतिशतमा झरेको छ । प्रतिसेयर आम्दानी ६१ रुपैयाँ ७३ पैसा रहेको संस्थाको प्रतिसेयर नेटवर्थ २११ रुपैयाँ ९६ पैसा रहेको छ ।
वि.सं.२०७८ साउन १५ शुक्रवार १०:३२ मा प्रकाशित
