काठमाडौं । महुली लघुवित्त वित्तीय संस्थाले गत वर्षको चौथो त्रैमासिक वित्तीय विवरण सार्वजनिक गरेको छ ।
कम्पनीले सार्वजनिक गरेको विवरण अनुसार ९ करोड ८० हजार ४७ हजार रुपैयाँ नाफा कमाएको छ । जुन अघिल्लो आवको सोही अवधिको तुलनमा ३५५.१६ प्रतिशतले बढी हो ।
अघिल्लो वर्षको चौथो त्रैमाससम्म कम्पनीले २ करोड १५ लाख ४१ हजार रुपैयाँ नाफा आर्जन गरेको थियो । उक्त अवधिमा कम्पनीले ३ अर्ब २२ करोड ८५ लाख ८९ हजार रुपैयाँ निपेक्ष संकलन गरेको छ । अघिल्लो आवको सोही अवधिमा भने २ अर्ब ३३ करोड ६७ लाख ८० हजार रुपैयाँ निक्षेप संकलन गरेको थियो ।
कम्पनीको चुक्तापुँजी २२ करोड ३९ लाख ४४ हजार रुपैयाँ रहेको छ । कम्पनीको जगेडा कोषमा २४ करोड ८० लाख २७ हजार रुपैयाँ रहेको छ ।
कम्पनीको अघिल्लो वर्ष २ दशमलव शून्य ६ प्रतिशत रहेको निष्क्रिय कर्जा गत वर्ष २ दशमलव शून्य ९ प्रतिशत कायम भएको छ । कम्पनीको प्रतिसेयर आम्दानी ४३ रुपैयाँ ७८ पैसा, प्रतिसेयर नेटवर्थ २१० रुपैयाँ ७५ पैसा रहेको छ ।
वि.सं.२०७८ साउन १५ शुक्रवार ११:३६ मा प्रकाशित