काठमाडौं । साधना लघुवित्त वित्तीय संस्थाले गत आर्थिक वर्षको चौथो त्रैमाससम्मको वित्तीय अवस्था सार्वजनिक गरेको छ ।
गत आवमा संस्थाले ११ करोड ७० लाख ९५ हजार खुद नाफा गरेको छ । अघिल्लो आवको सोही अवधिको तुलनामा १९६.३४ प्रतिशतले बढी हो । अघिल्लो आवको सोही अवधिमा संस्थाको नाफा ३ करोड ९५ लाख १३ हजार रुपैयाँ रहेको थियो ।
संस्थाको खुद ब्याज आम्दानी, सञ्चालन मुनाफा बढ्दा नाफामा सुधार देखिएको छ । अघिल्लो आवको चौथो त्रैमासमा १४ करोड ३ लाख ४७ हजार खुद ब्याज आम्दानी रहेको संस्थाको गत आवको सोही अवधिमा आईपुग्दा ७२.९० प्रतिशतले बढेर २४ करोड २६ लाख ६८ हजार रुपैयाँ रहेको छ । यस्तै सञ्चालन मुनाफा पनि ३ करोड ४६ लाख १२ हजार रुपैयाँबाट ३३९.३५ प्रतिशतले बढेर १५ करोड २० लाख ७१ हजार रुपैयाँ पुगेको छ ।
२५ करोड ६९ लाख ८० हजार रुपैयाँ चुक्ता पुँजी भएको संस्थाको जगेडा कोषमा १३ करोड ४३ लाख ६८ हजार रुपैयाँ रहेको छ । ८३ करोड ५२ लाख २३ हजार रुपैयाँ निक्षेप संकलन गरेको संस्थाले ३ अर्ब २६ करोड ४९ लाख ८ हजार रुपैयाँ कर्जा लगानी गरेको छ । अघिल्लो आवको चौथो त्रैमासमा ०.८१ प्रतिशत रहेको खराब कर्जा अहिले बढेर २.०२ प्रतिशत रहेको छ । प्रति सेयर आम्दानी ४५ रुपैयाँ ५६ पैसा रहेको छ भने प्रतिसेयर नेटवर्थ १५२ रुपैयाँ २८ पैसा रहेको छ ।
वि.सं.२०७८ साउन १७ आइतवार ११:२० मा प्रकाशित
