काठमाडौं । समिट लघुवित्त वित्तीय संस्थाले गत आर्थिक वर्ष २०७७/७८ को चौथो त्रैमाससम्म ११ करोड ९८ लाख ३ हजार रुपैयाँ नाफा कमाएको छ ।
कम्पनीले सोमबार सार्वजनिक गरेको गत आवको चौथो त्रैमासिक वित्तीय अवस्थाको तथ्याङ्कले यस्तो देखाएको हो । कम्पनीको नाफा अघिल्लो आवको तुलनामा २०१.६२ प्रतिशतले बढी हो ।
कम्पनीको अघिल्लो आवको सोही अवधिमा ३ करोड ९७ लाख १९ हजार रुपैयाँ नाफा कमाएको थियो ।
कम्पनीको चुक्तापुँजी ५५.०५ प्रतिशतले बढेर ३९ करोड ४३ लाख रुपैयाँ पुर्याएको छ । अघिल्लो आवमा कम्पनीको चुक्तापुँजी २५ करोड ४३ लाख रुपैयाँ रहेको थियो ।
कम्पनीको जगेडा तथा कोषमा २१ करोड ७८ लाख ६४ हजार रुपैयाँ रहेको छ । कम्पनीको खराब कर्जा पनि वृद्धि भएको छ । अघिल्ला आवको चौथो त्रैमासमा २.९० प्रतिशत रहेको खराब कर्जा गत आवमा बढेर ४.८८ प्रतिशत पुगेको छ ।
कम्पनीको प्रतिसेयर आम्दानी ३० रुपैयाँ ३८ पैसा र प्रतिसेयर नेटवर्थ १५५ रुपैयाँ २५ पैसा रहेको छ ।
वि.सं.२०७८ साउन १८ सोमवार १२:१३ मा प्रकाशित
