काठमाडौं । आरएमडिसी लघुवित्त वित्तीय संस्थाले गत आर्थिक वर्ष २०७७/८८ को चौथो त्रैमासमा ९ करोड १० लाख ८० हजार रुपैयाँ नाफा कमाएको छ ।
कम्पनीको नाफा अघिल्लो आर्थिक वर्षको तुलनामा १५.४५ प्रतिशतले मात्र बढी हो । अघिल्लो आवको सोही अवधिमा कम्पनीले ७ करोड ८८ लाख ८७ हजार रुपैयाँ नाफा कमाएको थियो ।
कम्पनीको चुक्तापुँजी ७३ करोड १९ लाख ६० हजार रुपैयाँ रहेको छ । कम्पनीले जगेडा तथा कोषमा १५ करोड ३४ लाख ३७ हजार रुपैयाँ राखेको छ ।
अघिल्लो वर्ष १ करोड ३६ लाख ७४ हजार रुपैयाँ खराब कर्जा उठाएको कम्पनीले गत वर्ष भने २ करोड ४२ हजार रुपैयाँ खराज कर्जा उठाएको छ ।
गत आवमा कम्पनीको खराब कर्जा पनि बृद्धि भएको छ । अघिल्लो वर्ष ०.२९ प्रतिशत रहेको खराब कर्जा बढेर गत वर्ष ०.९९ प्रतिशत पुगेको छ ।
कम्पनको प्रतिशत सेयर आम्दानी १२ रुपैयाँ ४४ पैसा, प्रतिसेयर नेटवर्थ १२० रुपैयाँ ९६ पैसा रहेको छ ।
वि.सं.२०७८ साउन १८ सोमवार ११:५९ मा प्रकाशित