काठमाडौं । साताको दोस्रो कारोबार दिन विभिन्न ५ कम्पनीको सेयर मूल्य उच्च दरमा वृद्धि भएको छ । सोमबार घलेम्दी हाइड्रोसहित ५ कम्पनीको सेयर मूल्यम उछाल आएको हो ।
उक्त दिन घलेम्दी हाइड्रोको सेयर मूल्यमा सकरात्मक सर्किट लागेको छ । कम्पनीको सेयर मूल्य १० प्रतिशतले वृद्धि भएको हो । आज प्रतिकित्ता ३८ रुपैयाँ ६० पैसाले वृद्धि भएको कम्पनीको मूल्य ४२४ रुपैयाँ ७० पैसा पुगेको छ ।
यस्तै, आज गुराँस लघुवित्त वित्तीय संस्थाको ९.९८ प्रतिशतले बढेको छ । कम्पनीको सेयर मूल्य प्रकिकित्ता १९१ रुपैयाँ ९० पैसाले वृद्धि भई २ हजार ११५ रुपैयाँ पुगेको हो ।
त्यसैगरि आज फष्ट माइक्रोफाइनान्स डेभलपमेन्ट बैंकको सेयर मूल्य पनि ९.०९ प्रतिशतले वृद्धि भएको छ । प्रतिकित्ता ८० रुपैयाँले बढेको कम्पनीको सेयर मूल्य ९६० पुगेको छ ।
आज युनिभर्सल पावरको सेयर मूल्य ९ प्रतिशतले वृद्धि भएको छ । प्रतिकित्ता ४० रुपैयाँले ८० पैसाले बढेर ४९४ रुपैयाँ पुगेको छ । उक्त दिन आखु खोला जलविद्युतको ८.४२ प्रतिशतले बढेको छ । कम्पनीको सेयर मूल्य प्रतिकित्ता २८ रुपैयाँ ८० पैसाले वृद्धि भई ३७० रुपैयाँ ८० पैसा पुगेको छ ।
वि.सं.२०७८ साउन १८ सोमवार १५:०३ मा प्रकाशित