काठमाडौं । स्वालम्बन लघुवित्त वित्तीय संस्थाले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ ।
उक्त अवधिमा कम्पनीले ६१ करोड ९४ लाख ८२ हजार रुपैयाँ नाफा कमाएको छ । अघिल्लो आर्थिक वर्षको सोही अवधिको तुलनामा कम्पनीको नाफा ७३.९२ प्रतिशतले बढी हो ।
कम्पनीले अघिल्लो आवको चौथो त्रैमासमा ३५ करोड ६१ लाख ८५ हजार रुपैयाँ नाफा आर्जन गरेको थियो ।कम्पनीको चुक्तापुँजी ९४ करोड ३० रुपैयाँ रहेको छ ।
कम्पनीले जगेडा तथा कोषमा भने १ अर्ब ७४ करोड ८८ लाख ७३ हजार रुपैयाँ राखेको छ । गत वर्ष कम्पनीले १४ करोड १५ लाख १२ हजार रुपैयाँ खराब कर्जा उठाएको छ ।
यस्तै, अघिल्लो आवको चौथो त्रैमासमा १.९९ प्रतिशत रहेको खराब कर्जा गत वर्ष बढेर ४.३८ प्रतिशत पुगेको छ । कम्पनीको प्रतिसेयर आम्दानी ६५ रुपैयाँ ६९ पैसा र प्रतिसेयर नेटवर्थ २५८ रुपैयाँ ४६ पैसा रहेको छ ।
वि.सं.२०७८ साउन १९ मंगलवार ११:५७ मा प्रकाशित
