काठमाडौं । मकर जितुमाया सुरि हाइड्रोपावरले विशेष साधारण सभाका लागि मिति तय गरेको छ । कम्पनीले आउँदो भदौ २ गते विशेष साधारणसभा गर्ने भएको हो ।
साउन १७ गते बसेको संचालक समितिको बैठकले उक्त दिन सभा गर्ने निर्णय गरेको थियो । कम्पनीको सभाले साधारण सेयर निष्काशन (आईपीओ) जारी गर्ने सम्वन्धी विशेष प्रस्ताव पारित गर्ने छ ।
साथै प्रबन्ध पत्र तथा नियमावली संशोधन सम्वन्धी विशेष प्रस्ताव पारित गर्ने कम्पनीले जनाएको छ । हाइड्रोपावरले २२ लाख ८० हजार कित्ता आईपीओ निष्काशन गर्ने भएको हो ।
जसमध्ये आयोजना प्रभावित स्थानीयका लागि ७ लाख ६० हजार कित्ता र सर्वसाधारणका लागि १५ लाख २० हजार कित्ता सेयर निष्काशन गर्नेछ ।
आईपीओ निष्काशन तथा बिक्री प्रबन्धकमा प्रभु क्यापिटल नियुक्त भएको छ । कम्पनीले निर्माण गरीरहेको आयोजनामा डोल्माइम्प्याक्ट फण्डको समेत लगानी रहेको छ ।
वि.सं.२०७८ साउन २० बुधवार ११:१३ मा प्रकाशित