काठमाडौं । नेपाल चेम्बर अफ कमर्शले कडाईका साथ लकडाउन नगर्न सरकारलाई आग्रह गरेको छ ।
चेम्बरले लकडाउनको बिकल्पको रुपमा गरिएको निषेधलाई कडाइका साथ परिपालना गर्ने व्यवस्था गर्न सरकार आग्रह गरको छ । दैनिक रुपमा कोरोना महामारी बढिरहेकाले सरकारले लकडाउन गर्ने संकेत देखाएसँगै चेम्बरल लकडाउन नगरी निषेधाज्ञालाई कडाइकासाथ कार्यान्वयन गर्न गराउन सरकारलाई आग्रह गरेको छ ।
नेपालको समस्त उद्योग व्यवसाय क्षेत्रलाई संरक्षण गर्न यसमा संलग्न व्यवसायी तथा कर्मचारीहरुलाई पूर्ण खोपको व्यवस्था गरी व्यवसायीक कृयाकलापलाई तोकिएको मापदण्ड भित्र रही निर्वाध रुपमा आफ्नो गतिबिधि सचालन गर्ने व्यवस्था गर्न चेम्बरले सरकारलाई आग्रह गरेको छ ।
कोरोनाको पहिलो र दोस्रो लहरबाट शिक्षा लिएर तेस्रो लहरको संक्रमणलाई बढन नदिन सरकार, निजी क्षेत्र र आम सर्वसाधारण मिलेर कोरोना महामारीलाई नियन्त्रण गर्नु पर्ने चेम्बरको धारणा रहेको छ ।
विश्वव्यापी महामारीको रुपमा फैलिएको कोरोना महामारीका कारण गत वर्षदेखि नै नेपाली अर्थतन्त्रमा गम्भीर क्षति पुगेको छ । कोभिड–१९ को नयाँ भेरियन्टका कारण फैलिएको दोस्रो लहरको संक्रमणले लामो समयसम्म लकडाउन भइ अर्थतन्त्रले थप क्षति बेहोर्नु परिरहेको चेम्बरको भनाई छ ।
खुला बजार अर्थतन्त्रको सिद्धान्त अवलम्बन गरेको नेपालजस्तो मुलुकको अर्थतन्त्रमा निजी क्षेत्रको भूमिका निकै महत्वपूर्ण भूमिका हुने र निजी क्षेत्रको आत्मबल वृद्धि भएमा मात्र आर्थिक विकास तथा रोजगारीमा वृद्धि भइ अर्थतन्त्रमा योगदान पुग्न जाने चेम्बरको धारणा रहेको छ ।
कोभिड नियन्त्रणको लागि लकडाउन मात्र समस्याको समाधान नभएको भन्दै सरकारबाट कोभिड नियन्त्रणको लागि निषेध गरिएको कृयाकलापहरु भिडभाडजन्य क्रियाकलापहरु, बिभिन्न प्रकारका सभा सम्मेलन,धर्ना जुलुस,गोष्ठी ¥याली जस्ता गतिबिधिमा संलग्न रहने, भौतिक दुरी कायम नगरी अव्यवस्थित रुपमा सार्वजनिक गतिबिधि संचालन गर्ने, तोकिएको स्वास्थ्यको मापदण्डको परिपालना नगर्ने र मास्कको उचित प्रयोग नगर्नेहरुलाइ कडाइका साथ कारबाई गर्न सुझाव दिएको छ ।
वि.सं.२०७८ साउन २० बुधवार ११:२३ मा प्रकाशित
