काठमाडौं । आरम्भ चौतारी लघुवित्त वित्तीय संस्थाले नाफा आर्जनमा छलाङ मारेको छ ।
कम्पनीले गत आर्थिक वर्ष २०७७/७८ को चौथो त्रैमाससम्ममा ११ करोड ७९ लाख ३३ करोड रुपैयाँ नाफा कमाएको छ । बुधवार कम्पनीले सार्वजनिक गत वर्षको वित्तीय अवस्थाको तथ्याङ्कले यस्तो देखाएको हो ।
अघिल्लो आर्थिक वर्षको सोही अवधिको तुलनामा कम्पनीको नाफा ३९० दशमलव ५६ प्रतिशतले बढी हो । अघिल्ला आवको चौथो त्रैमासमा २ करोड ४० लाख ४० हजार रुपैयाँ नाफा आर्जन गरेको थियो ।
कम्पनीको चुक्तापुँजी २८ करोड ६७ लाख ६३ हजार रुपैयाँ रहेको छ । कम्पनीले जगेडा तथा कोषमा १६ करोड ३६ लाख २८ हजार रुपैयाँ राखेको छ ।
उक्त अवधिमा कम्पनीले २ करोड ८३ लाख १९ हजार रुपैयाँ खराज कर्जा उठाउन सफल भएको छ । तर, खराज कर्जा भने वृद्धि भएको देखिएको छ ।
अघिल्लो आवको चौथो त्रैमासमा १ दशमलव ४४ प्रतिशत रहेको खराव कर्जा गत वर्षको सोही अवधिसम्म आईपुग्दा ३ दशमलव २४ प्रतिशत पुगेको छ ।
कम्पनीको प्रतिसेयर आम्दानी ४१ रुपैयाँ १३ पैसा र प्रतिसेयर नेटवर्थ १५७ रुपैयाँ ६ पैसा रहेको छ ।
वि.सं.२०७८ साउन २० बुधवार १२:१२ मा प्रकाशित
