back
Mega Long Ad

करिब ३९ करोडको सुनका गहना निर्यात, कुन देशमा कति ?

काठमाडौं । नेपालबाट साढे करिब ३९ करोड रुपैयाँको सुनका गर–गहना निर्यात भएको छ । नेपालबाट सुनका गहना निर्यात हुन सुरु गरेको पहिलो वर्षमै नै ३८ करोड ७१ लाख ७६ हजार रुपैयाँ बराबरको सुनका गहना निर्यात भएको छ । उक्त अवधिमा ३८ किलो भन्दा बढी गहना निर्यात भएको भन्सार विभागले जनाएको छ ।

नेपालबाट अष्ट्रेलिया, हङकङ, अमेरिका लगायतका देशहरुमा सुनका गर–गहनाको निर्यात हुने गरेकोे हो । विशेषगरी विदेशी मुलुकमा बन्न नसक्ने नेपाली मौलिक गर–गहना नेपालबाट निर्यात हुने गर्दछ ।

विभागका अनुसार पछिल्लो समयमा नेपालीहरुको बसोबास बढी भएका मुलुकहरुमा गहना निर्यात हुने गरेको छ । नेपाली मौलिक सुनका गहना सबैभन्दा बढी अमेरिका पुगेको छ । उक्त देशमा २८ करोड ६० लाख ९६ हजार रुपैयाँ बराबरको गहना निर्यात भएको विभागले जनाएको छ । अमेरिकामा ३० केजी बढी गहना निर्यात भएको हो ।

यस्तै, हङकङमा ६ करोड ७ लाख २ हजार रुपैयाँ बराबरको गहना निर्यात भएको छ । उक्त देशमा ५ केजी बढीका गहना पुगेको छ । त्यसैगरि अष्ट्रेलियामा ४ करोड ३ लाख ७८ हजार रुपैयाँ बराबरको गहना पुगेको छ । उक्त देशमा २ केजी बढीका मौलिक गर गहना निर्यात भएको विभागले जनाएको छ ।

२७ अर्ब ३४ करोड बढीको सुन आयात

यसैवीच गत आर्थिक २०७७–७८ मा कुल २७ अर्ब ३४ करोड ३९ लाख रुपैयाँको ३ हजार ९२४ केजी सुन आयात भएको छ । जुन अघिल्लो आव २०७६–७७ को भन्दा दोब्बर हो ।

अघिल्लो आवमा १३ अर्ब ४६ करोड रुपैयाँ बराबरको सुन आयात भएको थियो । परिमाणका आधारमा अघिल्लो आवमा २ हजार ४ सय केजी सुन आयात भएको थियो ।

कोरोना महामारी र मूल्य बढ्दा अघिल्लो आवमा सुनको आयात ह्वात्तै घटेको थियो । तर, गत आवमा भने कोरोना महामारीकाबीच पनि सुनको आयात दोब्बर मात्रामा बढेको विभागको तथ्यांकले देखाएको छ ।

कोरोना महामारी र मूल्य बढ्दा अघिल्लो आवमा सुनको आयात ह्वात्तै घटेको थियो । तर, गत आवमा भने कोरोना महामारीकाबीच पनि सुनको आयात दोब्बर मात्रामा बढेको विभागको तथ्यांकले देखाएको छ ।

एक महिनामै ६ अर्ब २७ करोड बढीको काँचो सुन भित्रियो

गत आर्थिक बर्ष २०७७–७८ को असार महिनामा मात्र नेपालमा ६ अर्ब २७ करोड ६६ लाख रुपैयाँ बराबरको काँचो सुन आयात भएको छ । नेपालमा मासिक ३ अर्ब रुपैयाँसम्मको सुन आयात हुने गरेको थियो । असारमा महिनामा मात्रै २ गुणा भन्दा बढी अर्थात् ६ अर्ब २७ करोड रुपैयाँ बराबरको सुन आयात भएको तथ्याङक विभागले जनाएको छ ।

विभागका अनुसार असारमा ९०६ केजी ५ सय ग्राम काँचो सुन आयात भएको छ । कोरोनाको दोस्रो लहर र त्यसलाई नियन्त्रणका लागि जारी निषेधाज्ञाका कारण गत बैशाखको दोस्रो सातादेखि जेठ मसान्तसम्म सुन आयात ठप्प थियो । असारमा निषेधाज्ञा खुकुलो बनाएसँगै सुन आयात पनि उच्च देखिएको छ ।

वि.सं.२०७८ साउन २० बुधवार १३:१३ मा प्रकाशित

You can share this post!

बैंकहरुले विदेशी मुद्रामा निक्षेप संकलन गर्न पाउने, तरलता अभावमा तड्पिएको बैंकलाई राहत

बैंकहरुले विदेशी मुद्रामा निक्षेप संकलन गर्न पाउने, तरलता अभावमा तड्पिएको बैंकलाई राहत

वि.सं.२०७८ मंसिर १३ सोमवार २१:४६

काठमाडौं । नेपाल राष्ट्र बैंकले विदेशी मुद्रा निक्षेप संकलनको लागि...

सहिद स्मारक लिगको तेस्रो र चौथो चरणको तालिका सार्वजनिक

सहिद स्मारक लिगको तेस्रो र चौथो चरणको तालिका सार्वजनिक

वि.सं.२०७८ मंसिर १३ सोमवार १८:४९

काठमाडौं ।अखिल नेपाल फुटबल संघ (एन्फा) ले सहिद स्मारक ए...

एमाले लेखा आयोगको अध्यक्षमा डा.कँडेलको ह्याट्रिक !

एमाले लेखा आयोगको अध्यक्षमा डा.कँडेलको ह्याट्रिक !

वि.सं.२०७८ मंसिर १३ सोमवार १८:४१

काठमाडौं । नेकपा एमालेको दशौं राष्ट्रिय महाधिवेशनबाट केन्द्रीय लेखा आयोगको...

एक सातामा नै बाणिज्य बैंकहरुबाट ६ अर्ब निक्षेप गायव !

एक सातामा नै बाणिज्य बैंकहरुबाट ६ अर्ब निक्षेप गायव !

वि.सं.२०७८ मंसिर १३ सोमवार १७:५१

काठमाडौं । बाणिज्य बैंकहरुको निक्षेप एक सातामा नै ६ अर्ब...

एफएनसिसिआइ र टियुबीच संस्थागत सहकार्य गर्ने सहमति

एफएनसिसिआइ र टियुबीच संस्थागत सहकार्य गर्ने सहमति

वि.सं.२०७८ मंसिर १३ सोमवार १७:४५

काठमाडौं । नेपाल उद्योग वाणिज्य महासंघ (एफएनसिसिआइ) र त्रिभुवन विश्वविद्यालय...

भोलि मुक्तिनाथ विकास बैंकको लाभांश सुरक्षित गर्ने अन्तिम मौका

भोलि मुक्तिनाथ विकास बैंकको लाभांश सुरक्षित गर्ने अन्तिम मौका

वि.सं.२०७८ मंसिर १३ सोमवार १६:२४

काठमाडौं । मुक्तिनाथ विकास बैंकको लाभांश सुरक्षित गर्ने भोलि अर्थात...