काठमाडौं । स्वाभिमान लघुवित्त वित्तीय संस्थाले गत आर्थिक वर्ष २०७७/७८ को चौथो त्रैमासिक वित्तीय विवरण सार्वजनिक गरेको छ ।
उक्त अवधिमा कम्पनीले ५ करोड ५९ लाख १ हजार रुपैयाँ नाफामा कमाएको छ । जुन अघिल्लो आवको सोही अवधिमा तुलनामा १५५.३१ प्रतिशतले बढी हो । अघिल्लो आवमा कम्पनीले २ करोड १८ लाख ९५ हजार रुपैयाँ नाफा आर्जन गरेको थियो ।
अघिल्लो आवमा ७ करोड २२ लाख २७ हजार रुपैयाँ खुद ब्याज आम्दानी गरेको कम्पनीको गत वर्षको भने ११ करोड २२ लाख ६२ हजार रुपैयाँ रहेको छ ।
उक्त अविधमा कम्पनीले ३ करोड ९७ लाख ९ हजार रुपैयाँ खराब कर्जा उठाउन सफल भएको छ । अघिल्लो वर्षमा भने ८९ लाख ५७ हजार रुपैयाँ खराब कर्जा उठाएको थियो ।
कम्पनीको चुक्तापुँजी ९ करोड २० लाख ५० हजार रुपैयाँ रहेको छ । जगेडा तथा कोषमा ६ करोड ६९ लाख ४३ हजार रुपैयाँ राखेको छ ।
गत वर्ष कम्पनीले निष्क्रिय कर्जा भने घटाएको छ । अघिल्लो आवको चौथो त्रैमासमा शून्य दशमलव ९५ प्रतिशत रहेको निष्क्रिय कर्जा गत वर्षको सोही अवधिमा भने शून्य दशमलव ६८ प्रतिशतमा झारेको छ ।
कम्पनीको प्रतिसेयर आम्दानी ६० रुपैयाँ ७३ पैसा र प्रतिसेयर नेटवर्थ १७२ रुपैयाँ ७२ पैसा रहेको छ ।
वि.सं.२०७८ साउन २१ बिहीवार ११:३६ मा प्रकाशित
