काठमाडौं । सरकारले एक साता देशभर ‘नेपाल मास्क अभियान’ सुरु गर्ने भएको छ ।
स्वास्थ्य तथा जनसङ्ख्या मन्त्रालयले साउन २३ देखि २९ गतेसम्म देशभर ‘नेपाल मास्क अभियान’ चलाउन लागेको हो ।
‘कोरोना महामारी नियन्त्रण र रोकथाममा मेरो प्रतिबद्धता मास्क लगाउनु नै हो आजको आवश्यकता’ भन्ने नाराका साथ यो अभियान सुरु गर्न लागेको जनाएको छ ।
पछिल्लो दिनमा कोरोना महाकारी निकै बढिरहेको छ । जसले गर्दा यो अभियान सुरु गर्न लागेको मन्त्रालयले जनाएको छ । पहिला शहर केन्द्रित रहेको कोरोना भाइरस अहिले गाँउ गाँउसम्म फैलिएको भन्दै मन्त्रालयले उक्त अभियान सुरु गर्न लागेको जनाएको छ ।
वि.सं.२०७८ साउन २१ बिहीवार १६:४९ मा प्रकाशित
