काठमाडौं । साताको अन्तिम कारोबार दिन सुनको मूल्यमा गिरावट आएको छ । शुक्रवार नेपाली बजारमा छापावाला सुनको मूल्य प्रतितोला ५ सय रुपैयाँले घटेको हो ।
अघिल्लो दिन ९२ हजार रुपैयाँमा कारोबार भएको सुनको भाउ आज घटेर ९१ हजार ५ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार आज तेजावी सुनको मूल्य पनि ९१ हजार रुपैयाँ निर्धारण भएको छ । अघिल्लो दिन ९१ हजार ५ सय रुपैयाँमा खरिदबिक्री भएको थियो ।
यस्तै, आज चाँदीको मूल्यमा पनि गिरावट आएको छ । शुक्रवार चाँदीको मूल्य प्रतितोला १० रुपैयाँले घटेको हो । बिहीवार १२ सय ७५ रुपैयाँमा कारोबार भएको चाँदीको भाउ आज घटेर १२ सय ६५ रुपैयाँ कायम भएको छ ।
वि.सं.२०७८ साउन २२ शुक्रवार १०:५४ मा प्रकाशित