काठमाडौ । सांसद पदम गिरीले पछिल्लो समय बैक तथा वितिय संस्था पहिलाका जमिनदार र सामन्त जस्ता भएको बताउनु भएको छ ।
अर्थ समितिमा भएको बैठकमा उहाँले यस्तो बताउनु भएको हो । बैठकमा उहाँले बैकको स्रप्रेडदर हालको ४.४ प्रतिशतबाट घटाएर ३.५ प्रतिशत कायम गर्न आग्रह गर्नुभयो ।
बैकले सेवा सुविधाको नाममा धेरै शुल्क लिने गरेको भन्दै यसलाई पनि तोक्न आवश्यक रहेको गिरीले बताउनुभयो । उहाँले अब बैकले लिने सेवा शुल्क निश्चित राख्न आग्रह गर्नुभयो ।
यसबाट धेरै सेवाग्राही ठगिएको उहाँको दाबि छ । बैठकमा कृषिलाई दिने ऋण ८ प्रतिशतबाट बढाएर १५ प्रतिशत सम्म लगानि गर्ने व्यवस्था गर्न आग्रह गर्नुभयो ।
सोही अवसरमा अर्का सासद रामबाबु यादवले पनि बैकले ब्याज समयमा नै नतिर्नेलाई जरिवाना लिने र जरिवाना छुट ब्याज तिरेपछि मात्रै दिने नीति बदल्न आवश्यक रहेको धारणा राख्नुभयो ।
उहाँले कृषिमा लोन नपाउने तर घर गाडि किन्न सस्तोमा धेरै ऋण पाउने गरेको स्मरण गर्नुभयो । निक्षेप र कर्जाको ब्याजदरमा सन्तुलन हुन आवश्यक रहेको उहाको भनाइ छ ।
वि.सं.२०७८ साउन २२ शुक्रवार १२:१९ मा प्रकाशित
