काठमाडौं । एनआईसी एशिया लघुवित्त वित्तीय संस्थाले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ ।
उक्त अवधिमा कम्पनीले ५६ करोड ४ लाख ६ हजार रुपैयाँ नाफा कमाएको छ । जुन अघिल्लो आर्थिक वर्षको सोही अवधिको तुलनमा २२१.४८ प्रतिशतले बढी हो ।
अघिल्लो वर्ष कम्पनीले १७ करोड ५६ लाख ५४ हजार रुपैयाँ मात्र नाफा कमाएको थियो । कम्पनीले गत वर्षको चौथो त्रैमाससम्म १ अर्ब ३१ करोड ८२ लाख ५७ हजार रुपैयाँ खुद ब्याज आम्दानी गरेको छ ।
अघिल्लो वर्षको तुलनमा खुद ब्याज आम्दानी १७५.९२ प्रतिशतले बढेको हो । अघिल्ला वर्षको सोही अवधिमा ४७ करोड ७७ लाख ५६ हजार रुपैयाँ आम्दनी गरेको थियो ।
चुक्तापुँजी १ अर्ब ७३ करोड ९४ लाख ४० हजार रुपैयाँ रहेको कम्पनीले जगेडा तथा कोषमा भने ९३ करोड ५२ लाख २९ हजार रुपैयाँ राखेको छ ।
कम्पनीले निष्क्रिय कर्जा पनि केही मात्रमा घटाएको छ । अघिल्लो वर्ष शून्य दशमलव ९९ प्रतिशत रहेको निष्क्रिय कर्जा गत वर्ष शून्य दशमलव ९३ प्रतिशतमा झारेको छ ।
कम्पनीको प्रतिसेयर आम्दानी ३२ रुपैयाँ ४७ पैसा, प्रतिसेयर नेटवर्थ १५३ रुपैयाँ ८४ पैसा रहेको छ ।
वि.सं.२०७८ साउन २२ शुक्रवार १२:३७ मा प्रकाशित