काठमाडौँ । नेपाल राष्ट्र बैंकले चालु आर्थिक वर्षको मौद्रिक नीति आगामी आइतबार सार्वजनिक गर्ने भएको छ ।
साउन पहिलो साता ल्याउने तयारी भएपनि सरकार परिवर्तन भएको र नयाँ सरकारको वित्तीय अवधारणा अनुसार मौद्रिक नीति ल्याउन लागेका कारण केही समय ढिला भएको हो ।
राष्ट्र बैंकले साउन पहिलो साता नै मौद्रिक नीति ल्याउने तयारी गरेपनि अर्थ मन्त्रालयले वर्तमान अर्थतन्त्रको अवस्था कस्तो छ भन्ने जानकारी गराउन स्वेतपत्र ल्याउने भएपछि केही समय धकेलिएको थियो ।
मन्त्रालयले स्वेतपत्रको सबै काम सकेको भन्दै राष्ट्र बैंकलाई मौद्रिक नीति ल्याउन संकेत गरेको छ । मौद्रिक नीति कस्तो हुनुपर्छ भनेर संघिय संसदको अर्थ समितिले पनि सुझाव दिन लागेको छ ।
समितिले राष्ट्र बैंकलाई आज (श्क्रबार) १७ बुदे सुझाव दिएको छ । अर्थ समितिको बैठकमा पनि आइतबार नै मौद्रिक नीति सार्वजनिक हुने चर्चा चलेको थियो ।
वि.सं.२०७८ साउन २२ शुक्रवार १४:१५ मा प्रकाशित
