काठमाडौं । बुद्धभुमि नेपाल हाइड्रोपावरले साउन ३२ गतेदेखि ४ लाख कित्ता आइपीओ निष्काशन गर्ने भएको छ । कम्पनीले आयोजना प्रभावित नुवाकोट जिल्लाका स्थानियको लागि आइपीओ निष्काशन गर्न लागेको हो ।
प्रतिसेयर १०० रुपैयाँका दरले १२ लाख कित्ता साधारण शेयर निष्कासनका लागि अनुमति पाएको कम्पनीले पहिलो चरणमा स्थानीयको लागि ४ लाख कित्ता निष्काशन गर्न लागेको हो । स्थानीयले न्यूनतम १० देखि अधिकतम ५० हजार कित्तासम्म आवेदन दिन पाउने छन् । लगानीकर्ताले छिटोमा भदौ १४ गतेसम्म र त्यो अवधिमा माग अनुसार आवेदन परेको खण्डमा भदौ २९ गतेसम्म आवेदन दिन सकिने छ ।
यसको बिक्री प्रबन्धकमा सिभिल क्यापिटल रहेको छ । आइपीओमा बिक्री प्रबन्धकको साथै प्रभु बैंक, सिभिल बैंक र ज्योति विकास बैंक तथा त्यसका शाखा कार्यालयबाट आवेदन दिन सकिनेछ ।
वि.सं.२०७८ साउन २४ आइतवार ११:५५ मा प्रकाशित