काठमाडौं । नेपालमा पछिल्लो २४ घण्टाको अवधिमा थप २ हजार ५४८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ९ हजार ३३ पीसीआर परीक्षणमा २ हजार १३७ जना र ३ हजार ३४५ एन्टिजेन परीक्षणमा ४११ जना संक्रमण पुष्टि भएको हो ।
पछिल्लो २४ घण्टामा थप २ हजार २९ जना संक्रमणमुक्त भएका छन् । मन्त्रालयका अनुसार थप ५५ जनाको कोरोना संक्रमणबाट मृत्यु भएको छ ।
हालसम्म नेपालमा कुल कोरोना संक्रमितको संख्या ७ लाख १४ हजार ८७७ र निको हुनेको संख्या ६ लाख ६९ हजार २९९ पुगेको मन्त्रालयले जनाएको छ । यीमध्ये ३५ हजार ४८५ जना संक्रिय संक्रमित रहेका छन् ।
मन्त्रालयका अनुसार नेपालमा कोरोना संक्रमणबाट हालसम्म १० हजार ९३ जनको ज्यान गएको छ ।
वि.सं.२०७८ साउन २४ आइतवार १७:१६ मा प्रकाशित
