काठमाडौं । मञ्जुश्री फाईनान्स लिमिटेडले गत आर्थिक वर्ष २०७७/७८ को चौथो त्रैमासिक वित्ती अवस्था सार्वजनिक गरेको छ । कम्पनीले सार्वजनिक गरेको वित्तीय अवस्था अनुसार उक्त अवधिमा नाफामा कमी देखिएको छ ।
अघिल्लो आवको चौथो त्रैमासको तुलनामा कम्पनीको नाफा १७.३९ प्रतिशतले कमी आएको छ । अघिल्लो वर्ष २६ करोड ३२ लाख ४४ हजार रुपैयाँ नाफा गरेको कम्पनीले गत वर्ष भने २१ करोड ७४ लाख ४९ हजार रुपैयाँ मात्र कमाएको छ ।
कम्पनीले निष्क्रिय कर्जा भने घटाएको छ । अघिल्लो वर्ष ३.३६ प्रतिशत रहेको निष्क्रिय कर्जा गत वर्ष घटाएर २.३४ प्रतिशतमा झारेको छ ।
कम्पनीको चुक्तपुँजी ९६ करोड ५३ लाख ९५ हजार रुपैयाँ रहेको छ । कम्पनीको जगेडा कोषमा भने २८ करोड २१ लाख ९३ हजार रुपैयाँ रहेको छ ।
कम्पनीको प्रतिसेयर आम्दानी ५८ रुपैयाँ ८५ पैसा र प्रतिसेयर नेटवर्थ १८० रुपैयाँ रहेको छ ।
वि.सं.२०७८ साउन २५ सोमवार १२:१७ मा प्रकाशित
