काठमाडौं । आँधिखोला लघुवित्त वित्तीय संस्थाले गत आर्थिक वर्ष २०७७/७८ मा ४ करोड १० लाख ५७ हजार रुपैयाँ नाफा कमाएको छ । सोमबार कम्पनीले सार्वजकि गरेको गत आवको चौथो त्रैमासिक वित्तीय अवस्थाले यस्तो देखिाएको हो ।
कम्पनीको नाफा अघिल्लो आवको सोही अवधिको तुलनामा ११५.९५ प्रतिशतले वृद्धि भएको हो । अघिल्लो वर्ष कम्पनीको नाफा १ करोड ९० लाख १२ हजार रुपैयाँ थियो ।
उक्त अवधिमा कम्पनीले खुद ब्याज आम्दानी पनि ३८.६९ प्रतिशतले बढाएको छ । अघिल्लो वर्ष ६ करोड २७ लाख ८४ हजार रुपैयाँ खुद ब्याज आम्दानी गरेको कम्पनीले गत वर्ष भने ८ करोड ७० लाख ७६ हजार रुपैयाँ रहेको छ ।
कम्पनीको चुक्तापुँजी १० करोड रुपैयाँ रहेको छ । कम्पनीले जगेडा तथा कोषमा ८ करोड १ लाख ८१ हजार रुपैयाँ राखेको छ ।
कम्पनीले निष्क्रिय कर्जा केही मात्रामा घटाएको छ ।
अघिल्लो वर्ष ४.८७ प्रतिशत रहेको निष्क्रिय कर्जा गत वर्ष ४.६० प्रतिशतमा झारेको छ । कम्पनीको प्रतिसेयर आम्दानी ४१ रुपैयाँ ०६ पैसा र प्रतिसेयर नेटवर्थ १८० रुपैयाँ १८ पैसा रहेको छ ।
वि.सं.२०७८ साउन २५ सोमवार १४:०९ मा प्रकाशित