काठमाडौं । सर्वोच्च अदालतले भूमि सम्बन्धी समस्या समाधान आयोग खारेज गर्ने सरकारको निर्णयविरुद्ध परेको रिटमा अल्पकालीन अन्तरिम आदेश जारी गरेको छ ।
सर्वाेच्चले विपक्षीका नाममा कारण देखाउ आदेश जारी गर्दै अन्तरिम आदेश जारी गर्ने सन्दर्भमा भदौ १ गते छलफलका लागि बोलाएको छ ।
त्यतिन्जेलसम्म आयोगका काम कारवाही यथा स्थितिमा राख्न अल्पकालीन अन्तरिम आदेश दिएको हो । केपी ओली नेतृत्वको सरकारले गठन गरेको आयोग शेरबहादुर देउवा नेतृत्वको सरकारले खारेज गरेपछि सर्वाेच्चमा रिट परेको थियो। ।
सोमबार न्यायाधीश ईश्वर खतिवडाको एकल इजलासले आयोग खारेज गर्ने निर्णय कार्यान्वयन नगर्न अल्पकालीन अन्तरिम आदेश दिएको हो।
वि.सं.२०७८ साउन २५ सोमवार १४:५४ मा प्रकाशित