काठमाडौं । मैलुङ खोला जलविद्युत कम्पनीको साधारण सेयर (आइपीओ) बाँडफाँड भएको छ ।
गोलाप्रथाबाट भएको बाँडफाँडमा ६८ हजार ४७४ जनाले सेयर पाएका छन् । ६८ हजार ४६८ जनाले १० कित्ता तथा ६ जनाले ११ कित्ता सेयर पाएका छन् । आइपीओमा २० लाख ६७ हजार ९६७ जनाले आवेदन दिएका थिए । जसमा २ हजार ८४३ जनाको आवेदन रद्द भएको थियो ।
२० लाख ६५ हजार १२४ जना योग्य भएका थिए । कम्पनीले १४ देखि १८ गतेसम्म कुल ७ लाख २६ हजार २८६ कित्ता आइपीओ निष्काशन गरेको थियो ।
जसमा कर्मचारीलाई १४ हजार ७२६ कित्ता म्यूचुअल फण्डलाई ३६ हजार ८१४ कित्ता सेयर छुट्याएको थियो । बाँकी ६ लाख ८४ हजार ७४६ कित्ता सर्वसाधारणको लागि निष्काशन गरेको थियो । यसको बिक्री प्रबन्धक सिद्धार्थ क्यापिटल रहेको छ ।
उक्त समाचारको शिर्षकमा ६ हुनुपर्नेमा अन्यथा भएकोले सञ्चाइएको छ: सं
वि.सं.२०७८ साउन २६ मंगलवार ०९:५० मा प्रकाशित