काठमाडौं । साना किसान लघुवित्त वित्तीय संस्थाले गत आर्थिक वर्ष २०७७/७८ को चौथो त्रैमासमा ६१ करोड ४९ लाख ९० हजार रुपैयाँ नाफा कमाएको छ ।
मंगलबार कम्पनीले सार्वजनिक गरेको वित्तीय अवस्थाले यस्तो देखाएको हो । जुन नाफा अघिल्लो वर्षको सोही अवधिको तुलनामा १२.१७ प्रतिशतले बढी हो । अघिल्लो वर्ष कम्पनीले ५४ करोड ८२ लाख २१ हजार रुपैयाँ नाफा कमाएको थियो ।
कम्पनीले गत वर्ष १ अर्ब २१ करोड ६९ लाख २७ हजार रुपैयाँ खुद ब्याज आम्दानी गरेको छ । कम्पनीको खुद ब्याज आम्दानी अघिल्लो वर्षको तुलनामा ९ प्रतिशतले मात्रै बढी हो । अघिल्लो वर्ष १ अर्ब ११ करोड ६२ लाख ३० हजार रुपैयाँ खुद ब्याज आम्दानी गरेको थियो ।
कम्पनीको चुक्तापुँजी १ अर्ब २५ करोड १५ लाख ३० हजार रुपैयाँ रहेको छ । कम्पनीले जगेडा तथा कोषमा २ अर्ब ३२ करोड ६२ लाख २५ हजार रुपैयाँ राखेको छ ।
कम्पनीको निष्क्रिय कर्जा झिनो वृद्धि भएको छ । अघिल्लो वर्ष ०.६८ प्रतिशत रहेको निष्क्रिय कर्जा गत वर्ष भने ०.६९ प्रतिशत पुगेको छ । कम्पनीको प्रतिसेयर आम्दानी ४९ रुपैयाँ १४ पैसा र प्रतिसेयर नेटवर्थ २८५ रुपैयाँ ८७ पैसा रहेको छ ।
वि.सं.२०७८ साउन २६ मंगलवार ११:०४ मा प्रकाशित