काठमाडौं । सामुदायिक लघुवित्त वित्तीय संस्थाले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ ।
उक्त अवधिमा कम्पनीले १ करोड ७३ लाख ३५ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा १६०.८७ प्रतिशतले बढी हो । अघिल्लाले वर्ष कम्पनीको नाफा ६६ लाख ४५ हजार रुपैयाँ मात्र रहेको थियो ।
गत वर्ष कम्पनीले १० करोड ९५ लाख ३ हजार रुपैयाँ खुद ब्याज आम्दानी गरेको छ । जुन आम्दानी अघिल्लो आवको तुलनामा ३०.२८ प्रतिशतले बढी हो । अघिल्लो वर्ष कम्पनीको खुद ब्याज आम्दानी ८ करोडड ४० लाख ४६ हजार रुपैयाँ रहेको थियो ।
कम्पनीको चुक्तापुँजी १३ करोड २० लाख रुपैयाँ रहेको छ । कम्पनीले जगेडा तथा कोषमा ६ करोड ६६ लाख ६७ हजार रुपैयाँ राखेको हो । कम्पनीले जगेडा कोष अघिल्लो वर्षको तुलनामा १ करोड ६२ लाख ८४ हजार रुपैयाँले बढाएको हो ।
कम्पनीको निष्क्रिय कर्जा भने करिब दोब्बर वृद्धि भएको छ । अघिल्लो वर्ष ३.९७ प्रतिशत रहेको निष्क्रिय कर्जा गत वर्ष बढेर ६.८६ प्रतिशत पुगेको छ ।
कम्पनीको प्रतिसेयर आम्दानी १३ रुपैयाँ १३ पैसा र प्रतिसेयर नेटवर्थ १५० रुपैयाँ ५१ पैसा रहेको छ ।
वि.सं.२०७८ साउन २६ मंगलवार १२:१२ मा प्रकाशित
