काठमाडौं । आँखुखोला जलविद्यूत कम्पनीले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ ।
गत वर्ष कम्पनीले नाफामा उल्लेखीय सुधार गरेको छ । अघिल्लो वर्ष ३ करोड १० लाख ७६ हजार रुपैयाँ नोक्सानीमा रहेको कम्पनीले गत वर्ष भने १० लाख ५२ हजार रुपैयाँ नाफा कमाउन सफल भएको छ ।
कम्पनीको विद्युत बिक्री आम्दानी भने १४.४४ प्रतिशतले घटेको छ । अघिल्लो वर्ष २२ करोड ६२लाख ७० हजार रुपैयाँ आम्दानी गरेको कम्पनीको गत वर्ष १९ करोड ३५ लाख ७८ हजार रुपैयाँ आम्दानी गरेको छ ।
कम्पनीको चुक्तापुँजी ८० करोड रुपैयाँ रहेको छ । कम्पनीको जगेडा तथा कोष भने नोक्सानीमा देखिएको छ । अघिल्लो वर्ष २५ करोड ८८ लाख ६२ हजार रुपैयाँ नोक्सानीमा रहेको कम्पनीको जगेडा तथा कोष गत वर्ष बढेर २६ करोड २२ लाख ९८ हजार रुपैयाँ पुगेको छ ।
कम्पनीको प्रतिसेयर आम्दानी १३ पैसा र प्रतिसेयर नेटवर्थ ६७ रुपैयाँ २१ पैसा रहेको छ ।
वि.सं.२०७८ साउन २६ मंगलवार १४:२७ मा प्रकाशित