काठमाडौं । बुधवार सुनको मूल्यमा गिरावट आएको छ । साताको चौथो कारोबार दिन नेपाली बजारमा छापावाला सुनको मूल्य प्रतितोला ४ सय रुपैयाँले घटेको हो ।
अघिल्लो दिन ८९ हजार २ सय रुपैयाँमा खरिदबिक्री भएको सुनको भाउ आज घटेर ८८ हजार ८ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघले आजका लागि तेजावी सुनको मूल्य ८८ हजार ३५० रुपैयाँ निर्धारण गरेको छ । तेजावी सुनको अघिल्लो दिन ८८ हजार ७५० रुपैयाँमा कारोबार भएको थियो ।
यस्तै, उक्त दिन चाँदीको मूल्य पनि प्रतितोला १५ रुपैयाँले घटेको छ । अघिल्लो दिन १२ सय ५ रुपैयाँमा कारोबार भएको चाँदी आज भने घटेर ११ सय ९० रुपैयाँ कायम भएको महासंघले जनाएको छ ।
वि.सं.२०७८ साउन २७ बुधवार ११:२३ मा प्रकाशित