काठमाडौं । रिलायबल नेपाल लाइफ इन्स्योरेन्स कम्पनीले गत आर्थिक वर्ष २०७७/७८ को चौथो त्रैमासि वित्तीय अवस्था सार्वजनिक गरेको छ ।
गत वर्ष कम्पनीले २२ करोड ५९ लाख ४२ हजार रुपैयाँ नाफा कमाएको छ । जुन अघिल्लो आवको चैथो त्रैमासको तुलनामा कम्पनीको नाफा ५.४१ प्रतिशतले मात्र बढी हो । अघिल्लो वर्ष कम्पनीले २१ करोड ४३ लाख ९३ हजार रुपैया नाफा कमाएको थियो ।
गत वर्ष कम्पनीको बीमा शुल्क आर्जन कुल रकम ८८.०३ प्रतिशतले वृद्धि भई ३ अर्ब १ करोड ४९ लाख ९७ हजार रुपैयाँ पुगेको छ । अघिल्लो वर्ष कम्पनीले १ अर्ब ६० करोड ३३ लाख ३८ हजार रुपैयाँ बीमा शुल्क आर्जन गरेको थियो ।
गत वर्ष कम्पनीले ७५ करोड ५ लाख १८ हजार रुपैयाँ कुल दावी भुक्तानी गरेको छ । भुक्तानी हुन बाँकी रकम भने गत वर्ष देखिएको छैन ।
कम्पनीको चुक्तापुँजी १ अर्ब ४० करोड रुपैयाँ रहेको छ । कम्पनीले जगेडा तथा कोषमा ८४ करोड ३५ लाख ४१ हजार रुपैयाँ राखेको छ ।
यस्तै, कम्पनीले जीवन बीमा कोषमा २ अर्ब ५८ करोड ५१ लाख ५४ हजार र महा विपत्ती जगेडामा ७ करोड ९८ लाख ६३ हजार रुपैयाँ राखेको छ ।
कम्पनीको प्रतिसेर आम्दानी १६ रुपैयाँ १४ पैसा र प्रतिसेयर नेटवर्थ १६५ रुपैयाँ ४२ पैसा रहेको छ ।
वि.सं.२०७८ साउन २७ बुधवार ११:४७ मा प्रकाशित