काठमाडौं । काठमाडौं उपत्यकामा हुण्डिको कारोबार फेरी मौलाएको छ । कोरोना महामारीका कारण भएको लकडाउनले गर्दा हुण्डिको कारोबार कम भएपनि पछिल्लो समय पुन यस्तो कारोबार बढेको प्रहरीले जनाएको छ ।
प्रहरीले काठमाडौं महानगरपालिका–१३ ताहचल बस्ने ५३ वर्षीय तरुण अग्रवाल लगायत ४ जनालाई स्रोत नखुलेको नगद ९१ लाख ९६ हजार रुपैयाँसहित पक्राउ गरेको छ ।
काठमाडौं महानगरपालिका–२२ गडवहालस्थित तरुणको तनुज ईन्टरनेशनल प्रालिमा अवैध रकम संकलन गरी राखेको भन्ने सूचनाका आधारमा महानगरीय प्रहरी परिसर काठमाडौं र महानगरीय प्रहरी वृत्त जनसेवाको प्रहरीले तलासी गर्दा उक्त स्रोत नखुलेको रकम फेला पारेको जनाएको छ ।
उनीहरुलाई पक्राउ गरेर आवश्यक अनुसन्धानका लागि सम्पत्ति शुद्दीकरण अनुसन्धान बिभाग ललितपुर पठाइएको प्रहरीले जनाएको छ ।
वि.सं.२०७८ साउन २७ बुधवार १२:४२ मा प्रकाशित