काठमाडौं । अभियान लघुवित्त वित्तीय संस्थाले गत आर्थिक वर्ष २०७७/७८ को चौथे त्रैमासिक वित्तीय अवस्था सार्वजनिक गरेको छ ।
अघिल्लो वर्ष नोक्सानीमा रहेको कम्पनीले गत वर्ष १ करोड ८५ लाख रुपैयाँ नाफा कमाएको छ । कम्पनी अघिल्लो ७९ लाख ५६ हजार रुपैयाँ नोक्सानीमा थियो ।
कम्पनीको चुक्तपुँजी १५ करोड २५ लाख रुपैयाँ रहेको छ । कम्पनीले जगेडा तथा कोषमा ८९ लाख ७१ हजार रुपैयाँ राखेको छ ।उक्त अवधिमा कम्पनीले ७ करोड ७१ लाख ८० हजार रुपैयाँ खुद ब्याज आम्दानी गरेको छ ।
अघिल्लो वर्षको तुलनामा कम्पनी खुद ब्याज आम्दानीमा उल्लेखीय रुपमा वृद्धि भएको हो । अघिल्लो वर्षको खुद ब्याज आम्दानी १ करोड १२ लाख ७३ हजार रुपैयाँ रहेको थियो ।
कम्पनीले खराब कर्जा ह्वात्तै घटाएको छ । अघिल्लो वर्ष १८.९७ प्रतिशत रहेको खराब कर्जा कम्पनीले गत वर्षसम्म आईपुग्दा ०.५४ प्रतिशतमा झारेको छ ।
वि.सं.२०७८ साउन २७ बुधवार १४:३६ मा प्रकाशित