काठमाडौं । साताको चौथो कारोबार दिन ५ कम्पनीको सेयर मूल्यमा सकरात्मक सर्किट लागेको छ । बुधवार जीवन विकास लघुवित्त, यूनियन लाइफ लगायतको कम्पनीको सेयर मूल्य १० प्रतिशतले वृद्धि भएको हो ।
उक्त दिन यी दुई कम्पनी सहित आइसीएफसी फाइनान्स, रिदी हाइड्रोपावर, रुरु जलविद्युत परियोजनाको सेयर मूल्यमा सकरात्मक सर्किट लागेको हो ।
आज आईसीएफसीको सेयर मूल्य प्रतिकित्ता ८१ रुपैयाँ ३० पैसाले वृद्धि भई ८९४ रुपैयाँ ४० पैसा, रिदी हाइड्रोपावरको प्रतिकित्ता ७८ रुपैयाँ १० पैसाले वृद्धि भई ८५९ रुपैयाँ १० पैसा पुगेको छ ।
यस्तै, रुरु जलविद्युत परियोजनाको सेयर मूल्य ११० रुपैयाँले वृद्धि भई १ हजार २१०, जीवन विकास लघुवित्तको प्रतिकित्ता २ सय रुपैयाँ ४० पैसाले बढेर २ हजार २०५ र यूनियन लाइफको प्रतिकित्ता ६४ रुपैयाँ २० पैसाले वृद्धि भई ७०६ रुपैयाँ ४० पैसा पुगेको छ ।
वि.सं.२०७८ साउन २७ बुधवार १५:०७ मा प्रकाशित
