काठमाडौं । सूर्या लाइफ इन्स्योरेन्स कम्पनीले गत आर्थिक वर्ष २०७७/७८ को चौथो त्रैमासि वित्तीय अवस्था सार्वजनिक गरेको छ ।
कम्पनीले उक्त अवधिमा कम्पनीले ३२ करोड ३२ लाख ७१ हजार रुपैयाँ नाफा कमाएको छ । जुन अघिल्लो वर्ष सोही अवधिको तुलनामा कम्पनीको नाफा २३ प्रतिशतले बढी हो ।
कम्पनीको कुल बीमा शुल्क आर्जन रकम ४ अर्ब २६ करोडड ३७ लाख ८९ हजार रुपैयाँ रहेको छ । अघिल्लो अघिल्लो वर्षको तुलनामा कम्पनीको बीमा शुल्क आर्जन रकम ४७ प्रतिशतले वृद्धि भएको हो । अघिल्लो वर्षको सोही अवधिमा कम्पनीको कुल बीमा शुल्क आर्जन रकम २ अर्ब ८९ करोड ९६ लाख ६२ हजार रुपैयाँ थियो ।
गत वर्ष कम्पनीले गरेको कुल दावी भुक्तानी रकम ८९ करोड ७० लाख ८८ हजार रुपैयाँ छ । उक्त अवधिमा भुक्तानी हुन बाँकी दावी रकम भने उल्लेख भएको छैन ।
कम्पनीको चुक्तापुँजी २ अर्ब २६ करोड २८ लाख ९५ हजार रुपैयाँ रहेको छ । कम्पनीले जगेडा तथा कोषमा भने ८३ करोडड ७६ लाख ६ हजार रुपैयाँ राखेको छ ।
यस्तै, जीवन बीमा कोषमा १० अर्ब ६६ करोड १० लाख २३ हजार, महाविपत्ति जगेडामा १४ करोड ६२ लाख १८ हजार रुपैयाँ रहेको छ ।
कम्पनीको प्रतिसेयर आम्दानी १४ रुपैयाँ २९ पैसा र प्रतिसेयर नेटवर्थ १३२ रुपैयाँ ३५ पैसा रहेको छ ।
वि.सं.२०७८ साउन २८ बिहीवार १०:४६ मा प्रकाशित
