काठमाडौं । गरिमा विकास बैंकले गत आर्थिक वर्षमा ८२ करोड ५२ लाख ८८ हजार रुपैयाँ नाफा आर्जन गरेको छ ।
जुन अघिल्लो आवको सोही अवधिको तुलनामा ४२.९६ प्रतिशतले बढी हो । अघिल्लो आवको सोही अवधिमा बैंकले ५७ करोड ७२ लाख ५५ हजार रुपैयाँ नाफा आर्जन गरेको थियो । बैंकद्वारा प्रकाशित वित्तीय अवस्था अनुसार असार मसान्तसम्म ६० करोड ५७ लाख १२ हजार रुपैयाँ वितरणयोग्य नाफा रहेको छ । बैंकको लाभांश दिन सक्ने क्षमता १६.४७ प्रतिशत रहेको छ ।
यो अवधिमा खुद ब्याज आम्दानी र सञ्चालन मुनाफामा निकै सुधार आएको छ । जसले गर्दा नाफा आर्जनमा सघाएको छ । १ अर्ब ९३ करोड ६५ लाख २९ हजार रुपैयाँ खुद ब्याज आम्दानी गरेको बैंकले १ अर्ब १६ करोड ९० लाख ९२ हजार रुपैयाँ सञ्चालन मुनाफा रहेको छ । ३ अर्ब ६७ करोड ५९ लाख १२ हजार रुपैयाँ चुक्ता पुँजी रहेको बैंकको जगेडा कोषमा १ अर्ब १९ लाख ९४ हजार रुपैयाँ रहेको छ ।
बैंकले असार मसान्तसम्म ६३ अर्ब ९० करोड २० लाख ८७ हजार रुपैयाँ निक्षेप संकलन गरेर ५१ अर्ब ८० करोड ५५ लाख ३९ हजार रुपैयाँ कर्जा लगानी गरेको छ । ०.७९ प्रतिशत बाट घटेर ०.७२ प्रतिशतमा खराब कर्जा झारेको बैंकको प्रतिसेयर आम्दानी २२ रुपैयाँ ४५ पैसा र प्रति सेयर प्रतिसेयर नेटवर्थ १४४ रुपैयाँ ०१ पैसा रहेको छ ।
वि.सं.२०७८ साउन २८ बिहीवार १०:२६ मा प्रकाशित
