काठमाडौं । अर्थमन्त्री जनार्दन शर्माले अघिल्लो सरकारले ल्याएका महत्वपूर्ण आयोजनालाई यो सरकारले अघि बढाउने बताउनु भएको छ ।
राष्ट्रिय सभाको बैठकमा उहाँले अघिल्लो सरकारले ल्याएको आयोजना हटाउने यो सरकारको सोच नभएको र आयोजना हटाएर देश बन्दैन भन्ने पक्षमा सरकार रहेको जानकारी गराउनुभयो । यो सरकारले कसैलाई पनि विभेद नगर्ने समेत जानकारी गराउनुभयो । मन्त्री शर्माले यो सरकारको आगामी योजना अवाश्यकता अनुसार सदनमा पेश गर्ने जानकारी गराउनुभयो । यसको लागि अहिले आवश्यक नरहेको जानकारी गराउनुभयो ।
मन्त्री शर्माले बैठकमा स्वेतपत्रको जानकारी गराँउदै देशको आर्थिक अवस्थाको जानकारी गराएको बताउनुभयो । आफूले कुनै पनि मैले भ्रमको खेती नगरेको र प्रस्तुत स्वेत पत्रमा डेटामा फरक परेकोखण्डमा त्यसको जिम्मा लिन आफू तयार रहेको बताउनुभयो । उहाँले साना आयोजना संघले नहेर्ने र स्थानीय सरकारलाई नै जिम्मा दिने जानकारी गराउनुभयो ।
मन्त्री शर्माले कृषि क्षेत्रमा स्वदेशी लगानी, स्वदेशी युवाले काम गर्न पाउनु पर्छ भन्ने मान्यता रहेको उल्लेख गर्नुभयो । सरकारले कुनै परियोजनामा ५ लाख पठाएको र त्यो खर्च नभएर अन्तिममा फ्रिज हुने गरेको स्मरण गराउनुभयो । ‘यस्ता आयोजनाको प्राथमिकीकरण गरेर अघि बढनुपर्ने मैले महशुस गरेको छु’ उहाँले भन्नुभयो । स्रोत सुनिश्चितता नभएको ३ खर्बको बजेट सडकमा रहेको भन्दै यो पुरानो समस्या रहेको भन्दै आफूलाई पायक पर्ने ठाँउमा बजेट जाने अन्यत्र नजाने समस्या अब हटने बताउनुभयो ।
वि.सं.२०७८ साउन २८ बिहीवार १२:३१ मा प्रकाशित