काठमाडौं । सामाजिक सेवा तत्पर तामाङ चिकित्सक समाज नेपालले बागलुङको नरेठाँटी स्वास्थ्य चौकीलाई विभिन्न स्वास्थ्य उपकरण प्रदान गरेको छ ।
स्वास्थ्य चौकीलाई विश्व व्यापी रुपमा फैलिएको कोरोना महामारी नियन्त्रण तथा रोकथामका लागि समाजले विभिन्न स्वास्थ्य सामग्रीहरु हस्तान्तरण गरेको हो ।
समाजका अध्यक्ष डाक्टर दिल बहादुर थोकरले कोरोना महामारीको तेस्रो लहरका लागि उपयोगि हुने स्वास्थ्य समाग्रीहरु नरेठाँटी स्वास्थ्य चौकीका इन्चार्ज गणेश सुनारलाई काठमाडौंमा हस्तान्तरण गर्नुभएको हो ।
समाजले मास्क, सेनिटाइजर, ओक्सी मिटर, थर्मल गन, उचाई तथा तौल मापन गर्ने मेशिन लगायतका स्वास्थ्य उपकरण हस्तारण गरेको हो ।
तामाङ चिकित्सक समाजले विगतदेखि नै हुम्ला, गुल्मी, काभ्रे, ओखालढुंगा, बागलुङ, नुवाकोट, ललितपुर लगायतका देशका सुगमदेखि दुर्गम जिल्लाहरुमा विभिन्न स्वास्थ्य सामग्रीहरु वितरण गर्दै आएको छ ।
वि.सं.२०७८ साउन २८ बिहीवार १४:५० मा प्रकाशित