काठमाडौं । साताको अन्तिम कारोबार दिन सेयर बजार १६.४१ अंकले वृद्धि भएको छ । उक्त दिन बजार परिसुचक पनि ३१७९ अंकको बिन्दुमा पुगेर बन्द भएको छ ।
बिहीवार १७ अर्ब ५१ करोड ३२ लाख ७६ हजार रुपैयाँ बराबरको कारोबार भएको छ ।
उक्त दिन बैंक, विकास बैंक, फाइनान्स, जीवन बीमा, लगानी समूह, म्यूचुअल फण्ड, उत्पादक तथा प्रसोधन समूहहरु बढेका छन् ।
आज व्यापार समूह ५९.१७ अंक, होटेल तथा पर्यटन ३७.८४ अंक, जलविद्युत २४.०८, निर्जीवन बीमा १२.२३ अंक, माइक्रोफाइनान्स ५.६५ र अन्य समूह ९.१ अंकले घटेको छ ।
आज अपर तामाकोशीको सवैभन्दा बढी ६२ करोड ७९ लाख ९७ हजार रुपैयाँ बराबरको कारोबार भएको छ । कारोबार कै आधारमा दोस्रो स्थानमा रहेको कामना सेवा विकास बैंकको ५९ करोड ७४ लाख ४४ हजार रुपैयाँको सेयर खरिदबिक्री भएको छ ।
वि.सं.२०७८ साउन २८ बिहीवार १५:०३ मा प्रकाशित