काठमाडौं । ग्लोबल आइएमई बैंक र भूमि, व्यवस्था कृषि तथा सहकारी मन्त्रालय कर्णालीप्रदेश, बीच सम्झौता भएको छ ।
कर्णाली प्रदेशका व्यवसायिक कृषि तथा पशुपन्छी पालनमा संलग्न कृषकहरुलाई व्याज अनुदान प्रदान गर्नका निम्ति समझदारी पत्रमा हस्ताक्षर भएको हो ।
उक्त समझदारी पत्रमा प्रदेश सरकारका भूमि, व्यवस्था, कृषि तथा सहकारी मन्त्रालयका सचिव डा. राजेन्द्र प्रसाद मिश्र र ग्लोबल आइएमई बैंक कर्णाली प्रादेशिक कार्यालय प्रमुख विष्णु अर्यालले हस्ताक्षर गर्नुभएको छ ।
उक्त समझदारी अनुसार बैंकले मन्त्रालयले स्वीकृत गरेको “व्यवसायिक कृषि तथा पशुपन्छी पालन व्यवसायका लागि ब्याज अनुदान कार्यविधि, २०७६”अनुरुप प्रदेशका व्यवसायिक कृषकहरुका लागि व्याज अनुदान कार्यक्रम संचालन र व्यवसाय विकास मार्फत कृषकहरुको रोजगारीमा बृद्धि गरी उनीहरुको जीवन स्तरमा सुधार गर्ने उद्देश्यले सहुलियपूर्ण कृषिकर्जा उपलब्ध गराउनेछ ।
उक्त ब्याज अनुदान कार्यक्रम संचालनका लागि नेपाल राष्ट्र बैंक, कर्णाली प्रदेशले आवश्यक समन्वय तथा सहजिकरण गर्ने बताइएको छ ।
वि.सं.२०७८ साउन २८ बिहीवार १९:०७ मा प्रकाशित