काठमाडौं । साताको अन्तिम कारोबार दिन नेपाली बजारमा सुनको उकालो लागेको छ । शुक्रवार छापावाला सुनको मूल्य प्रतितोला ३ सय रुपैयाँले वृद्धि भएको हो ।
अघिल्लो दिन ८९ हजार ४ सय रुपैयाँमा कारोबार भएको सुनको मूल्य आज बढेर ८९ हजार ७ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार अघिल्लो दिन ८८ हजार ९५० रुपैयाँमा खरिदबिक्री भएको तेजावी सुनको मूल्य आज ८९ हजार २५० रुपैयाँ तोकिएको छ ।
यस्तै, आज चाँदीको मूल्यमा भने गिरावट आएको छ । चाँदीको मूल्य आज प्रतितोला ५ रुपैयाँले घटेर ११ सय ८५ रुपैयाँ कायम भएको छ । अघिल्लो ११ सय ९० रुपैयाँमा कारोबार भएको महासंघले जनाएको छ ।
वि.सं.२०७८ साउन २९ शुक्रवार ११:१५ मा प्रकाशित