काठमाडौं । नेपाल इन्भेष्टमेन्ट बैंकको नाफा ५०.६८ प्रतिशतले बढेको छ ।
अघिल्लो आवको चौथो त्रैमासमा २ अर्ब ४२ करोड ३१ लाख ८६ हजार रुपैयाँ नाफा आर्जन गरेको बैंकले गत आवको सोही अवधिमा आईपुग्दा ३ अर्ब ६५ करोड १४ लाख ९६ हजार रुपैयाँ नाफा आर्जन गरेको छ ।
यो अवधिमा बैंकको वितरणयोग्य नाफा १ अर्ब ९९ करोड ३३ लाख १४ हजार रुपैयाँ रहेको छ । बैंकको खुद ब्याज आम्दानी अघिल्लो आवमा ५ अर्ब ७७ करोड ७६ लाख ६९ हजार रुपैयाँ रहेकोमा गत आवको सोही अवधिमा आईपुग्दा ५ अर्ब ५९ करोड ३० लाख ५४ हजार रुपैयाँ रहेको छ ।
यस्तै सञ्चालन मुनाफा ३ अर्ब ५१ करोड ५२ लाख ४० हजार रुपैयाँबाट बढेर ५ अर्ब २५ करोड ५१ लाख ८७ हजार रुपैयाँ रहेको छ ।
१६ अर्ब २५ करोड ७३ लाख ३० हजार रुपैयाँ चुक्ता पूँजी रहेको बैंकको जगेडा कोषमा १४ अर्ब २७ करोड १ लाख ५७ हजार रुपैयाँ रहेको छ ।
१ खर्ब ७४ अर्ब ५२ करोड ५५ लाख ९० हजार रुपैयाँ निक्षेप संकलन गरेको बैंकले १ खर्ब ५६ अर्ब ८९ करोड १८ लाख ६ हजार रुपैयाँ कर्जा लगानी गरेको छ । असार मसान्तसम्म बैंकको खराब कर्जा स्थिर रहेको छ । प्रति सेयर आम्दानी २३ रुपैयाँ ८३ पैसा रहेको बैंकको प्रति सेयर नेटवर्थ २०१ रुपैयाँ ३७ पैसा रहेको छ ।
वि.सं.२०७८ साउन २९ शुक्रवार ११:२६ मा प्रकाशित